Google+ Followers

الجمعة، 29 يونيو، 2012

عندما طرق الاحباط بابى




انا فاشلة ....... انا مش بعرف اكتب اصلا
كل اللى بيقول ان اسلوبى حلو بيجاملنى علشان مزعلش لان ببساطة انا مش شايفة كدة ...
ماهو انا لازم اشوف كدة برضو ....
الانسان بيتولد بموهبته مش بتيجى مع الوقت انا بؤمن بكدة ... هو ينميها مع الوقت لكن ميوجدهاش فى نفسه
بحب الكتابة اه لكن مش بعرف اكتب .... دة مش عيب لكن مش ميزة موجودة فى
تحس كتاباتى مسفة و ساذجة زى مايكون عيل صغير هو اللى كاتبها
ابقى جوايا كلام كتير هموت و اطلعه  فى الكتابة بس اجى اكتب تلاقى الكلمات تهرب منى و ابلم
او اكتب كلمتين و اقف زى الشريط السافف ....
بفكر استسلم للامر الواقع و اعتزل الكتابة بدل ما اشنق نفسى ف مرة من الاحباط ....
اعتقد ان العيب مش فى المواضيع ولا الافكار العيب فى المخزون اللغوى ..
الكلمات ضعيفة و مش مرتاحة و اعتقد انه فى بعض الاحيان تركيبها النحوى نفسه مش مظبوط ..
فى بعض الاحيان ممكن يكون الكلمات و الجمل صحيحة و موزونة لكن الفكرة لا قيمة لها او افكارها فقيرة او غير معبر عنها بطريقة شيقة ...
المهم لازم يكون الموضوع فيه لحوسة فى الاخر .... نادرا و نادرا هنا معناها مرة كل 100 سنة مثلا يكون الموضوع و الكلمات و الطريقة سليمة ...
انا رأى اشترى كرامتى و اعتزل المهنة و اتركها للاجدر منى بها ....



هناك 4 تعليقات:

  1. عندك قدر من الموهبة مش قليل مقدرتش غير اني أحترم
    بقالي ربع ساعة بقرى مزهقتش :).. ربع ساعة ده مش قليل أنا بزهق بسرعة قوي
    اقري دي
    http://bya3mnadeel.blogspot.com/2012/09/blog-post_16.html

    ردحذف
  2. أنا غيرت رأيي
    أنتي موهوبة كتير مش شوية :)
    و كتاباتِك القديمة أحلى كعادة كل المدونات على بلوجر
    أحيكي

    ردحذف
  3. اولا شكرا على التشجيع الرائع دة :) و انا قريت اللينك دة قبل كدة عندك و رفع من معنوياتى جدا .. كتاباتك رائعة .. انا اصلا بحب الاسلوب دة فى الكتابة " اسلوبك " .. انت موهوبة كتييييييييير

    ردحذف
  4. :D هو مين بيرفع معناويات مين
    مواهب كتير مدفونة هنا :)

    ردحذف